Missa « Requiem »

REquiem aetérnam dona eis Dómine : et lux perpétua lúceat eis. Te decet hymnus Deus in Sion, et tibi reddétur votum in Jerúsalem : exáudi oratiónem meam, ad te omnis caro véniet. Réquiem.

Text source: GregoBase

REquiem aetérnam dona eis Dómine : et lux perpétua lúceat eis. In memória aetérna erit justus : ab auditióne mala non timébit.

Text source: GregoBase

Absól ve, Dómine, ánimas ómnium fidélium defunctó rum ab omni vín culo delí ctórum. Et grátia tua illis succurrén te, mereántur evádere judícium ulti ónis. Et lucis aetér nae beatitú dine pérfrui.

Text source: Volunteer transcription

DIes irae, dies illa, Solvet saeclum in favílla : Teste David cum Sibýlla. Quantus tremor est futúrus, Quando judex est ventúrus, Cuncta stricte discussúrus! Tuba mirum spargens sonum Per sepúlcra regiónum, Coget omnes ante thronum. Mors stupébit et natúra, Cum resúrget creatúra, Judicánti responsúra. Liber scriptus proferétur, In quo totum continétur, Unde mundus judicétur. Judex ergo cum sedébit, Quidquid latet apparébit : Nil inúltum remanébit. Quid sum miser tunc dictúrus? Quem patrónum rogatúrus? Cum vix justus sit secúrus. Rex treméndae majestátis, Qui salvándos salvas gratis, Salva me, fons pietátis. Recordáre Jesu pie, Quod sum causa tuae viae : Ne me perdas illa die. Quaerens me, sedísti lassus : Redemísti crucem passus : Tantus labor non sit cassus. Juste judex ultiónis, Donum fac remissiónis, Ante diem ratiónis. Ingemísco, tamquam reus : Culpa rubet vultus meus : Supplicánti parce Deus. Qui Maríam absolvísti, Et latrónem exaudísti, Mihi quoque spem dedísti. Preces meae non sunt dignae : Sed tu bonus fac benígne, Ne perénni cremer igne. Inter oves locum praesta, Et ab haedis me sequéstra, Státuens in parte dextra. Confutátis maledíctis, Flammis ácribus addíctis : Voca me cum benedíctis. Oro supplex et acclínis, Cor contrítum quasi cinis : Gere curam mei finis. Lacrimósa dies illa, Qua resúrget ex favílla, Judicándus homo reus : Huic ergo parce Deus. Pie Jesu Dómine, dona eis réquiem. Amen.

Text source: GregoBase

DOmine Jesu Christe, Rex glóriae, líbera ánimas ómnium fidélium defunctórum de poenis inférni, et de profúndo lacu : líbera eas de ore leónis, ne absórbeat eas tártarus, ne cadant in obscúrum : sed sígnifer sanctus Míchael repraeséntet eas in lucem sanctam : Quam olim Abrahae promisísti, et sémini ejus. .Hóstias et preces tibi Dómine laudis offérimus : tu súscipe pro animábus illis, quarum hódie memóriam fácimus : fac eas, Dómine, de morte transíre ad vitam. Quam olim.

Text source: GregoBase

LUX aetérna lúceat eis, Dómine : Cum sanctis tuis in aetérnum, quia pius es. Réquiem aetérnam dona eis Dómine, et lux perpétua lúceat eis. Cum sanctis tuis in aetérnum, quia pius es.

Text source: GregoBase